Chili con carne

SKŁADNIKI:

  • ok 600g wołowiny bez kości (ewyntualnie mlotyj)
  • 4 ząbki czosku
  • 1 wielko cebula
  • 1 biksa tomatów
  • 1 biksa czerwonyj fandzoli
  • oliwa
  • prziprawy: sól, pieprz, cukier, oregano, chili, kmin rzymski


JAK ZROBIĆ?
  1. miynso wołowe mielymy ale niy na blank małych łoczkach ino na trocha wiynkszych
  2. zemlote miynso wciepujymy do miski, dodowomy przeciśniynty przez preska czosnek, 2 łyżeczki oregano, płasko łyżeczka pieprzu i łyżeczka chili - wszystko dokładnie miyszomy, miska przikrywomy deklym abo owijomy foliom i odstawiomy do lodówki na ok 2h
  3. pół godziny przed dalszom obróbkom, wyciągomy miynso ze lodówki
  4. cebula siekomy na drobno, rozgrzywomy oliwa na tygliku i podsmażomy nasza posiekano cebula na średnim łogniu coby sie ino zeszkliła
  5. dociepujymy miynso do cebuli i podsmażomy aż miynso zmiyni kolor - staromy sie tyż jak nojbardzij porozdzielać miynso
  6. dodowomy tomaty, odcedzono z zalywy fandzola, pół łyżeczki soli i cukru - całość delikatnie miyszomy tak żeby niy uszkodzić fandzoli i smażymy jeszcze jakies 10min

WSKAZÓWKA: dobrze smakue z ryżym abo naczosami