Ciapkapusta

Składniki:

  • 0,5 kg kiszonyj kapusty
  • 1kg kartofli
  • mało cebula
  • ok. 20dkg boczku wyndzonego
  • 2-3 ząbki czosku
  • przpirawy: ziele angielskie, liść laurowy, majeranek, sól i pieprz

JAK ZROBIĆ?
  1. jak kapusta je fest kwaśno to idzie jom przepłukać a nastympnie warzymy jom we wodzie z dodatkiym 2ch kulek ziela angielskigo i liścia laurowego - warzymy aż bydzie miynko i NIY ODCEDZOMY
  2. w drugom garcu warzymy w osolonyj wodzie kartofle do miynkości
  3. boczek krejymy w kosteczka, cebula siekomy na drobno i na tygliku smażymy nojprzód boczek a potym dociepujymy cebula i smażymy aż sie zeszkli
  4. uwarzone kartofle odcedzomy i gnietymy tłuczkiym, wciepujymy do kartofli zeszklono cebula z boczkiym i uwarzono kapusta razym z wodom i prziprawami (oczywiście tyj wody ino troszka, niy cołki garniec)
  5. wszystko miyszomy, gnietymy tłuczkiym, dodowomy łyżeczka majeranku, sól i pieprz do smaku
  6. rozgniatomy na desce czosnek, dodowomy do ciapkapusty i ugniatomy na jednolito masa
  7. stawiomy garniec z ciapkapustom na palnik i podsmażomy jakieś 10minut od czasu do czasu miyszajonc żeby sie niy przichyciło