Ciasto wiewiórka

SKŁADNIKI:

  • 2 szolki mąki pszynnyj tortowyj
  • pół szolki oleju
  • pół szolki drobnego cukru
  • pół szolki jogurtu naturalnego
  • 5 jajec
  • 80g żurawiny suszonyj
  • 100g orzechów włoskich
  • 50g gorzkij szekulady
  • 2 jabłka
  • 2 płaskie łyżki kakao
  • 1 łyżeczka cynamonu
  • 2 płaskie łyżeczki proszku do pieczynio
  • 1 płasko łyżeczka natronu (sody oczyszczonyj)

JAK ZROBIĆ?
  1. trza wyciągnąć jogurt i jajca ze lodówki żeby miały tymperatura pokojowo
  2. do miski wciepać orzechy (idzie je trocha pokruszyć na myńsze konski ale niy mloć), żurawina i szekulada połomano na myńsze konski, jabka łostrugać i pokroć na kostka taka 1,5x1,5cm
  3. załączomy piekarnik na 175oC
  4. do wiynkszego maczynia (miska abo garniec) wsuwomy cukier i wbijomy jajca - całość miksujymy na najwyższych obrotach aż nom sie zrobi tako jasno piana i cukier sie całkiym rozpuści (może to trwać nawet 10minut)
  5. zmniyjszyć obroty miksera i do jajecznego puchu dodowomy jogurt i olyj i całość jeszcze krótko miksujymy do połączynio składników
  6. mąka, kakao, proszek do pieczynio i soda miyszomy ze sobą i przesiywomy do miski ze zmiksowanym puchym
  7. dodowomy bakalie i jabka i całość miyszomy łyżkom abo szpatułkom tak aż nom sie wszystkie składniki połączom
  8. dno formy wykłodomy papiórym a boki szmarujymy tłuszczym - wylywomy ciasto do formy, wrażujymy do nagrzotego do 175oC piekarnika i piekymy ok 40minut

WSKAZÓWKA: forma 24x24, zamiast żurawiny idzie dać rudzynki, zamiast jabka - gruszka, zamiast gorzkij szekulady idzie dać mlyczno abo bioło ale idzie tyż wymiyszać wszystkie składniki ze sobą oczywiście w odpowiednich proporcjach