Cyganione rolady z miynsa mlotego

SKŁADNIKI:

 

  • 1kg miynsa wołowo-wieprzowego
  • 1 jajco
  • 1 żymła sucho
  • 2-3 łogórki konserwowe
  • 1 cebula
  • boczek wyndzony
  • zymft (musztarda)
  • sól, pieprz, czosnek granulowany

JAK ZROBIĆ?
  1. mielymy miynso wieprzowe i wołowe
  2. tonkomy sucho żymła we wodzie coby sie namoczyła
  3. miynso, jajco i odciśniynto z wody żymła wciepujymy do miski i miyszomy
  4. doprawiomy solom, pieprzym i czoskiym granuowanym
  5. krejymy boczek w plastry, łogórki w słupki abo paski a cebula na ciynkie piórka
  6. bierymy do rynki trocha mlotego miynsa, rozciągomy na rynce, kładymy plasterek boczku, szmarujymy go zymftym i dodowomy jeszcze pora słupków łogórka i trocha cebuli
  7. formujymy z miynsa rolada tzn. zawiyromy to co my tam naukłodali
  8. tera trza nasze cyganione rolady przesmażić i udusić:
  9. do doś głymbokigo tygla wlywomy trocha margariny i zagrzywomy
  10. na talyrz wysypujymy trocha mąki i kożdo rolada kulomy w mące i smażymy na rozgrzotym tłuszczu
  11. smażymy nojlepij z kożdyj strony i jak już wszystkie rolady bydymy mieć obsmażone to dolywomy wody tak do 1/3 wysokości miynsa, przikrywoy tygiel deklym i duszymy aż rolady bydom miynkie (idzie je od czasu do czasu zwyrtnąć)
  12. ak miynso bydzie fertig to wyciągomy go z tygla, we troszcze wody rozrobiomy se trocha mąki i zagynszczomy zołza
  13. jak zołza bulknie to wrażujymy nasze rolady nazot do tyj zołzy i duszymy jeszcz w nij jakies 5 minut