Czorne kluski ślonskie

SKŁADNIKI:

 

  • 1kg kartofli
  • mąka kartoflano

JAK ZROBIĆ?
  1. kartofle obrać i podzielić na 3 czyńści, 2/3 uwarzić a 1/3 zostawić surowe
  2. surowe kartofle trza zetrzić na tarce na głymboki talyrz
  3. talyrz z potartymi kartoflami stawiomy "z górki" trza go podłożyć tak, żeby ta woda z kartofli spływała nom w dół talyrza i żeby osadzała sie na dni skrobia
  4. uwarzone kartofle przeciskomy przez presa
  5. z potartych kartofli odcedzomy woda, skrobia kero nom sie na dnie osadziła dodowomy do pogniecionych kartofli a surowe kartofle dodatkowo przeciskomy z cołkich sił przez nojlepij płóciynny mieszek
  6. jak kartofle surowe bydom dobrze wyciśniynte to już niy trza bydzie dować mąki kartoflanyj ale jak bydzie za dużo wody to trza bydzie tyj mąki dosuwać tela, żeby ciasto nom sie niy kleiło do rynki
  7. z gotowyj masy kartoflanyj formujymy kluski i robiymy palcym dziurka
  8. w wielkim garcu warzymy woda osolono i wciepujymy kluski, jak wypłynom trza jeszcze chwila warzić

WSKAZÓWKA: jak wody do warzynio bydzie mało to kluski bydom potrzebować wiyncyj czasu żeby sie uwarzić i bydom szczympate
WSKAZÓWKA 2: żeby kluski były fajne gładkie to do zimnyj wody dociepujymy 1 łyżka mąki kartoflanyj, jak bydzie wrała to wciepujymy kluski do warzynio