Drobne ciasteczka kokosowe

SKŁADNIKI:

  • 2 niypełne szolki mąki pszynnyj
  • 1 niypełno szolka cukru pudru
  • 200g margariny
  • ok 120g wiórków kokosowych
  • 1 żółtko
  • biołtko i cukier puder do zrobiynio lukru
  • wiórki kokosowe do dekoracji

JAK ZROBIĆ?
  1. mąka przesiywomy do miski, dodowomy cukier puder, żółtko i posiekano margarina
  2. zagniatomy dokładnie ciasto
  3. jak ciasto bydzie zagniecione to dodowomy wiórki kokosowe i jeszcze roz zagniatomy
  4. z ciasta formujymy kulka, owijomy we folia spożywczo i odkłodomy do lodówki na ok 1h
  5. schłodzone ciasto wyciągomy ze lodówki, na blasze do pieczynio wykłodomy papiór do pieczynio
  6. z ciasta formujymy małe rogaliki (rożki) i ukłodomy na blasze, zostawiomy trocha luzu bo one ciutka urosnom
  7. rozgrzywomy piekarnik do 200oC i piekymy ok 8minut (zależy od piekarnika)
  8. zostawiomy do wychłodniyńcio na blaszce bo lubiom sie kruszyć
  9. rychtujymy lukier w jednyj miseczce (miyszomy biołtko z cukrym pudrym aż bydzie gynsto masa), do drugij dowomy wiórki kokosowe
  10. wychłodniynte rogaliki tonkomy końcami do lukru i do wiórków i ukłodomy jedyn obok drugigo żeby sie niy posklejały