Gołąbki drobiowe z przeciyrym tomatowym

SKŁADNIKI:

  • 2 wielkie abo 3 myńsze udka z kurczaka
  • 1 szolka ryżu suchego
  • 2 wielkie abo 3 myńsze cebule
  • 1 biksa przeciyru 70g
  • średnio kapusta bioło
  • tłuszcz do smazynio
  • sól i pieprz

JAK ZROBIĆ?
  1. zaczynomy od uwarzynio ryżu tzn. do gorczka wlywomy 2 szolki wody, solymy i jak sie zawarzi to wsypujymy ryż, warzymy go zgodnie z zalecyniami na opakowaniu i jak bydzie lekko miynki to wyłączomy palnik i zostawiomy ryż pod przikryciym, aż sie woda wchłonie
  2. cołko kapusta wrażujymy do gorkij, osolonyj wody i poleku ściągomy z nij listki a bydymy ich potrzebować wele 15
  3. z liści ścinomy ta ruby czyńśc żeby sie lepi zwijało
  4. cebula siekomy, udka trybujymy z kości i mielymy miynso
  5. po zmielyniu miynsa, mielymy tyż reszta kapusty (bez kłąka)
  6. na tyglu rozgrzywomy tłuszcz i smażymy cebula na złoto, jak sie zezłoci to przeciepujymy do miski
  7. na tym samym tyglu smażymy miynso i przeciepujymy do miski
  8. na tym samym tyglu smażymy zemloto kapusta i wciepujymy tyż do miski
  9. do miski dociepujymy tyż przeciyr z tomatów i uwarzony ryż
  10. wszystko dokładnie miyszomy i doprawiomy do smaku
  11. gotowy farsz ukłodomy na liściach i zawijomy gołąbki
  12. gotowe, zawiniynte gołąbki ukłodomy we garcu, zalywomy wodom w keryj parzylimy kapusta i warzymy ok 20minut na wolnym łogniu