Kartofle pieczone we rynkowie

SKŁADNIKI:

  • 1kg kartofli
  • oliwa abo olyj
  • 2-3 ząbki czosku
  • zymft (musztarda)
  • pynczek zielonyj pietruszki
  • sól i pieprz

JAK ZROBIĆ?
  1. kartofle strugomy i myjymy i krejymy na ćwiartki (chyba że mocie blank wielkie to krejymy na wiyncyj tajli)
  2. bodymy kartofle widełkom abo szpikulcym takim do szaszłyków
  3. pietruszka myjymy i siekomy drobniutko
  4. do wiynkszy miski wlywomy ze 3 łyżki oliwy, wciepujymy posiekano pietruszka i dodowomy: 1 łyżeczka zymftu, pół łyżeczki soli, trocha pieprzu i przeciskomy przez preska czosnek
  5. wszystkie składniki z miski miyszomy i wciepujymy sprawione kartofle - dokładnie je kulomy w naszyj marynacie
  6. rychtujymy sie rynkow do pieczynio tzn. zawiązujymy go z jednyj strony i przeciepujymy rajn wszystkie kartofle z marynatom i zawiązujymy bojtel z drugij strony - ukłodomy na blaszce
  7. wrażujymy do nagroztego do 190oC piekarnika na ok 50minut a 10 minut przed czasym nacinomy wiyrch botla i ustawiomy termoobieg na piekarniku i wtedy skórka naszych kartofli bydzie fajno i złocisto
WSKAZÓWKA: jak korzystocie z AirFryera to ustawiomy tymperatura na 160oC i piekymy ok 40minut