Kołoczki z pudingiym i śliwkami

SKŁADNIKI NA CIASTO:

  • 250ml mlyka
  • 50g masła
  • 25g drożdży
  • 50g cukru
  • 2 łyżeczki cukru waniliowego
  • 2 jajca
  • szczypta soli
  • 450g mąki

SKŁADNIKI NA PUDING:
  • 0,5L mlyka
  • 60g cukru
  • 60g pudingu waniliowego bez cukru

  • śliwki węgierki abo z kompotu

JAK ZROBIĆ?
  1. w letnim mlyku rozpuszczomy drożdże i masło, dodowomy 10g cukru i odstawiomy na chwila pod przikryciym żeby drożdże zaczły sie ruszać
  2. do wielkij miski przesiywomy mąka, dodowomy szczypta soli, 2 łyżeczki cukru waniliowego, 40g cukru i jedne jajco
  3. wlywomy drożdże i dokładnie miyszomy, napowietrzomy
  4. wymiyszane ciasto przikrywomy ściyrkom i odstawiomy do wyrośniyńcio na ok 1h
  5. puding rychtujymy zgodnie z opisym na opakowaniu ale używomy tela składników co podane
  6. gotowy puding idzie szczelnie przikryć foliom spożywczom tak, żeby folia dotykała wiyrchu pudingu żeby nom sie niy zrobił kożuch
  7. 2 blachy z piekarnika wykłodomy papiórym do pieczynio
  8. wyrośniynte ciasto dzielymy na 12 równych czyńści, formujymy kulka i spłaszczomy na grubość ok 2cm
  9. ukłodomy gotowe kołoczki na blacha ale zostawiomy miejsce bo one jeszcze urosnom
  10. w kożdym kołoczku robiymy wgłymbiynie szolkom, dociskając ciasto do samyj blachy
  11. do wgłymbiyń dowomy gotowy puding i na wiyrch połówki śliwki ale przegrotym do góry
  12. zostawiomy do wyrośniyńcio jeszcze jakieś 15min
  13. drugie jajco roztrzepujymy i smarujymy ranty kołoczków przed samym wrażyniym do piekarnika
  14. piekymy kożdo blacha osobno w 190oC ok 15min - do zabronocynio