Kotlety ze cebulom

SKŁADNIKI:

  • 4 rube plastry schabu
  • 2 wielkie cebule
  • mąka pszynno
  • smalec do smażynio
  • sól i pieprz, papryka czyrwono, majeranek

JAK ZROBIĆ?
  1. schab nojlepij zamarynować dziyń naprzód, tzn. plastry schabu ok 2cm lekko rozklepujymy ale niy za fest, posypujymy solom z obu stron (idzie tyż poprzekłodać czoskiym jak ktoś lubi) i odkłodomy do lodówki na cołko noc
  2. (jak przekłodalimy czoskiym to czosnek trza ściągnąć) posypujymy plastry pieprzym, paprykom czyrwonom i majerankiym
  3. na talyrz wsypujymy mąka a na tyglu rozgrzywomy smalec
  4. kożdy konsek schabu kulomy we mące i kładymy na gorki fest - smażymy z obu stron doś chwila żeby miynso w środku niy było surowe
  5. cebula krejymy we piórka, delikatnie solymy i idzie tyż oprószyć paprykom i jak usmażymy schaby to na tym samym fecie trza zeszklić cebula
  6. kotlety wyklodomy na talyrz a na nie przesmażono cebulka