SKŁADNIKI:

• 4 wiynksze kartofle nojlepij młode
• połowa z piersi z kurczaka
• pół cebuli
• ząbek czosku
• 2szt oscypka
• słodko śmietonka
• 3 plastry wyndzonego boczku
• olyj
• sól i ulubione prziprawy do kurczaka

JAK ZROBIĆ?

1. kartofle młode trza dobrze umyć bo bydymy je robić w mundurkach
2. przed pieczyniym, smarujymy kartofle olejym, rozgrzywomy piekarnik do 180oC i wrażuymy kartoflle na ok 45min
3. jak bydom miynkie to je wyciągomy, przekrowomy na pół ale wzdłuż i wydronżomy środek zostawiając rant ok 1cm
4. rychtujymy kurczaka tzn. krejymy go w kosteczka, oprószomy solom i ulubionom prziprawom
5. boczek tyż krejymy w kosteczka, rozgrzywomy tyglik i wciepujymy na niego boczek - przismażomy
6. przismażony boczek ściągomy i na tym fecie smażymy kurczaka chwila po czym dociepujymy poszatkowano cebula i pokroty czosnek
7. wszystkie składniki z tyglika ściepujymy do miski kaj jest już boczek i do tyj miski ściyromy na tarce na drobnych łoczkach 1 oscypek
8. do tego wszystkigo dociepujymy wydronżone kartofle i wszystko dokładie miyszomy
9. drugi oscypek tyż ściyromy na tarce ale do osobnyj asyjetki i miyszomy z 2 łyżkami słodkij śmietonki
10. filujymy wydronżone kartofle naszom miyszankom z miski i polywomy śmietonkom z oscypkiym
11. wrażujymy do nagrzotego do 190oC piekarnika i piekymy ok 20min