Leczo z cukinii

SKŁADNIKI:

  • 1 cukinia
  • 1 cebula
  • 2 papryki czyrwone
  • 4-5 tomaty (pomidory)
  • 0,5kg wusztu (niekoniecznie)
  • margarina do smażynio
  • sól i pieprz

JAK ZROBIĆ?
  1. cukinia myjymy i krejymy w kostka tako 1,5x1,5cm a na tygliku rozgrzywomy tłuszcz i wciepujymy ta cukinia na tyn tłuszcz, przesmażomy aż bydzie szklisto, delikatnie solymy i przeciepujymy do wielkigo garca
  2. papryka myjymy, wyciągomy nasiona i krejymy w kostka i na tym samym tyglu co my smażili sukinia to przesmażomy tyż papryka i przeciepujymy do garca
  3. cebula siekomy i tyż przesmażomy na tygliku aż sie zeszkli i wciepujymy do garca
  4. tera jak chcecie to rychtujymy wuszt czyi tyż krejymy w kostka i przesmażomy a potym dociepujymy do garca
  5. na som koniec tomaty myjymy, krejymy i wciepujymy zaro do garca bez smażynio
  6. wszystko ze sobą miyszomy i doprawiomy do smaku solom i pieprzym
  7. przikrywomy i zostawiomy na blank małym logniu coby wszystko razym sie przegryzło i zmiynkło - styknie jakies 15minut