Ozorki w galarecie

SKŁADNIKI:

  • 3 ozorki wieprzowe
  • 1 marekwia
  • 1 pietruszka
  • ,5 selera
  • 1 listek laurowy
  • 4 kulki ziela angielskigo
  • żelatyna
  • sól


JAK ZROBIĆ?
  1. ozorki trza uwarzić tzn zalywomy wodom w proporcji 1 łyżeczka soli na 1L wody, dociepujymy gymiza, listek, kulki i warzymy na małym łogniu do miynkości
  2. uwarzone ozorki wyciągomy z wody i zostawiomy do wychłodniyńcio - jak ochłodnom to zdziyromy z nich skóra
  3. krejymy ozory na plastry niy za rube ale tyż niy za ciynkie i ukłodomy na półmisku
  4. żeby ozorki fajnie wyglondały to idzie sie je obsuć po bokach marekwiom i pietruszkom kere sie warziły abo groszkiym zielonym konserwowym
  5. rosół w kerym sie warziły ozory trza przecedzić, odloć tak 1,5 szolki i w gorkim rosole rozpuszczomy 3 łyżeczki żelatyny (ta mikstura idzie sie jeszcze doprawić, idzie dodać trocha łoctu jak lubicie takie kwaśniejsze)
  6. miyszomy tak długo aż żelatyna sie rozpuści i jak przechłodnie to delikatnie wylywomy na ozorki ino trza dować pozór żeby niy zbulić naszyj ozdoby z marekwi, groszku i pietruszki
  7. wrażujymy do lodówki i czekomy aż blank stynżeje


WSKAZÓWKA: ozorki warzymy poleku żeby nom sie sie niy skaliła woda w keryj one sie warzom bo bydzie potrzebno do zrobiynio galarety