Pasztet ze grzibów

SKŁADNIKI:

  • 2 kg grzibow, obojyntnie jakich bele leśnych
  • 2 marekwie
  • 2 cebule
  • 2 jajca
  • bułka tarto
  • masło
  • olyj
  • sól i pieprz
  • forma na babka - keksówka

JAK ZROBIĆ?
  1. grziby czyszczymy, lekko myjymy pod bieżacą wodą i krejymy na myńsze konski, wciepujymy do garca i nalywomy tela wody, żeby były przikryte
  2. warzymy ok 15minut, przecedzomy i zostawiomy aż wychłodnom
  3. marekwia strugomy i krejymy na plastry a cebula w piórka
  4. na tygiel wlywomy trocha oleju i jak sie zagrzeje to wciepujymy marekwia i cebula, lekko podsmażomy i duszymy pod dekym aż marekwia i cebula bydom miynkie - odstawiomy do wychłodniyńcio
  5. wychłodniynte grziby z marekwiom i cebulom bydymy mloć we maszynce na łoczkach ok 5mm
  6. do masy grzibowyj wbijomy 2 jajca i dodowomy ze 4-5 łyżek buki tartyj - wyrobiomy  tak chobyście robili karminadle a ak masa bydzie za fest mokro to dodowomy bułki tartyj
  7. doprawiomy solom i pieprzy,
  8. forymka wykłodomy papiórym abo smarujymy czymś masnym i obsypujymy bułkom tartom
  9. przeciepujymy masa do forymki, wygładzomy fajnie po wiyrchu i wrażujymy do nagrzotego do 180oC piekarnika na jakoś godzinka
  10. po godzinie na tygliku rozpuszczomy trocha masła, smarujymy nim wiyrch pasztetu i wrażujymy nazot do piekarnika na jakieś 15-20min