Pieczyń drwala

SKŁADNIKI:

 

  • ok 1,2kg łopatki
  • ok 0,8kg boczku surowego
  • 30g peklosoli
  • 6g czosku niedźwiedzigo
  • 4g pieprzu czornego grubomlotego
  • 4g czosku przeciśniyntego przez presa
  • 0,5 łyżeczki ostryj papryki
  • 3/4 szolki wody

JAK ZROBIĆ?
  1. łopatka i boczek krejymy na konski takie żeby potym bylo łatwo wciepować do maszynki do miynsa
  2. do pokrotego miynsa wciepujymy peklosól i miyszomy rynkom tak coby wszystko dobrze wymiyszać, przikrywomy dekym i odstawiomy do lodówki na conajmnij 24h
  3. po tym czasie wyciągomy i mieymy we maszynce na nojwiynkszych łoczkach a nojlepij na szarpaku
  4. do zemlotego miynsa dodowomy reszta przipraw i dolywomy trocha wody i dokładnie miyszomy tak długo aż zacznie sie kleić, ewentualnie dodowomy zaś trocha wody ale niy wiyncyj niż w przepisie
  5. wymiyszane miynso wykłodomy do wysmarowanyj olejym aluminiowyj formy
  6. po wiyrchy tyż psikomy abo szmarujymy olejym
  7. rozgrzywomy piekarnik do 110oC i piekymy ok 1,5-2h (jak mocie termometer to piekymy do uzyskanio w środku tymparetury 65-68oC
  8. przed końcym pieczynio idzie dźwignąć trocha tymperatura żeby przipiyc ale ni ma to konieczne
  9. trza poczekać aż wychodnie i wytyngnie żeby sie dobrze kroło