Pierś z kurczaka w zołzie porowyj

SKŁADNIKI:

  • 1 podwójny filet z kurczaka
  • 1 por
  • 250ml bulionu abo rosołu
  • 50ml śmietonki 30%
  • 50ml mlyka
  • mąka kartoflano
  • sól, pieprz, papryka czyrwono
  • mąka i tłuszcz do smażynio (olyj abo margarina)

JAK ZROBIĆ?
  1. filwt myjymy i oczyszczomy z błonek
  2. przekrowomy tyn podwójny filet tak, żeby mieć 4 ciyńsze plastry
  3. kożdy konsek posuwomy solom, pieprzym i czerwono paprykom (ewyntualnie idzie sie dać prziprawa do kurczaka)
  4. na tygiku rozgrzywomy fest a na talyrz wsypujymy trocha mąki pszynnyj
  5. fileta tonkomy w mące i wciepujymy na tyglik - delikatnie obsmażomy z jednyj i drugij strony)
  6. por krejymy w półksiynżyce i jak miynso bydzie podsmażone to na tyglik wlywomy bulion i dociepujymy pokrotego pora
  7. tyglik przikrywomy deklym i duszymy jakieś 25-30minut i co jakiś czos zaglondomy pod dekiel żeby poloć miynso bulionym
  8. pod koniec duszynio, miyszomy w osobnym gorczku śmietonka, mlyko, dosypujymy ok 1 łyżeczki mąki kartoflanyj i wlywomy to na tyglik, miyszajonc aż zołza bydzie krymowo


WSKAZÓWKA: dobrze smakuje z kartoflami i surówkom