Pulpety w zołzie tomtowyj

SKŁADNIKI:

  • 0,5kg miynsa wieprzowego pomlotego
  • 1 cebula
  • 1 sucho żymła
  • 1 jajco
  • bulion do warzynio
  • 1 szolka przetartych tomatów abo passaty
  • sól, pieprz, cukier, oregano

JAK ZROBIĆ?
  1. żymła moczymy we wodzie coby zmiynkła
  2. miynso pomlote wciepujymy do miski, cebulka krejymy w drobno kosteczka i dociepujymy do miynsa (idzie sie ta cebulka lekko zeszklić na fecie na tygliku)
  3. namoczono żymła fest odciskomy i dociepujymy do miski, dodowomy tyż jajco surowe, doprawiomy do smaku solom i pieprzym i wszystko dokładnie miyszomy
  4. z miynsa formujymy kulki wielkości orzecha włoskigo
  5. zawarzujymy we garcu ze 2 szolki bulionu i do gorkigo wciepujymy uformowane kulki miynsne - warzymy je ok 10minut na małym łogniu
  6. jak sie kulki uwarzom to zlywomy do myńszego gorczka 1 szolka bulionu, dolywomy szolka passaty abo przetartych tomatów, doprawiomy ok 1 łyżeczkom cukru i 1 łyżeczkom oregano - zawarzujymy i dociepujymy tam nasze kulki miynsne - trzimiymy jeszcze ze 20minut na lekkim łogniu
  7. jak sos bydzie za rzodki to idzie go zatrzepać mąką wymiyszanom z troszkom wody (tyż to trza zawarzić potym razym)

WSKAZÓWKA: nojlepij smakujom z nudlami, posute tartym syrym ale dobre tyż som z pieczywym