Rolada schabowo ze mielonym miynsym

SKŁADNIKI:

 

  • fajny konsek schabu tak ze 1,2kg
  • 0,5kg mielonego miynsa miyszanego
  • 1 wielko cebula
  • 2 abo 3 ząbki czosku
  • sól, pieprz, papryka słodko, majeranek
  • sznurek wyndliniarski
  • tłuszcza do smażynio
  • doś wielki garniec abo brytfanka

JAK ZROBIĆ?
  1. schab myjymy i okrowomy go z luźnych czynści, zostawiomy ino same fajne miynso
  2. bierymy długi, ostry nóż i rozkrowomy schab tak, żeby zrobił nom sie z niego taki płat grubości ok 1,5cm (tak żeby potym zawinąć go jak rolada)
  3. delikatnie rozkroty schab rozklepujymy żeby rozbić włókna, solymy pieprzymy i posypujymy paprykom
  4. cebula siekomy na konski a czosnek na plasterki
  5. na tyglu rozgrzywomy tłuszcz i przismażomy cebulka a na koniec dodowomy tyż czosnek
  6. miyszane miynso mielony i łokrojki z naszego schabu mielymy we maszynce, dodowomy do niego przesmażono cebulka z czoskiym, doprawiomy solom, pieprzym i wsypujymy jeszcze ok 1 łyżeczka majeranku
  7. tak przirychtowane miynso rozkłodomy na poklupanym schabie i całość zawijomy tak jak rolada i zawiązujymy sznurkiym
  8. na tyglu zaś rozgrzywomy tłuszcz i muszymy obsmażyć rolada z kożdyj strony
  9. jak obsmażymy to przeklodomy do garca abo brytfanki, podlywomy wodom i duszymy aż rolada bydzie miynko