Sałatka kartoflano z czoskiym

SKŁADNIKI:

  • 5 wielkich kartofli
  • 2 ogórki kiszone
  • cebula czerwono
  • majonez
  • śmietana
  • 4 ząbki czosku
  • sól, pieprz i cukier


JAK ZROBIĆ?
  1. zaczynomy od uwarzynio kartofli - nojlepij warzić je w mundurkach abo na parze
  2. kartofle oczywiście muszom ochłodnońć skuli tego zabiyromy sie za inne rzeczy
  3. krejymy ogórki kiszone w kosteczka - jak bydzie w nich dużo kwaski to trza jom wyloć żeby sałatka niy była ciaprato
  4. cebulka obiyromy i siekomy na drobno kosteczka
  5. przechłodniynte kartofle tyż krejymy w kostka i wciepujmy wszystko do jednyj miski
  6. w osobnym naczyniu bydymy miyszać sos - 4 łyżki majonezu, 4 łyżki kwaśnyj śmietany, przeciskomy przez preska 4 ząbki czosku, dodowomy trocha soli, pieprzu i cukru i wszystko miyszomy razym
  7. gotowom zołzom polywomy gymiza w misce i delikatnie miyszomy żeby sie kartofle niy pociaprały
  8. sałatka przikrywomy deklym i wrażujymy do lodówki