Sałatka śledziowo z ruzynkami i słonecznikiym

SKŁADNIKI:

  • 3 filety śledziowe matjasy w łoleju
  • 1 czyrwono cebula
  • 2 łodygi selera naciowego
  • 1 płonka (jabłko)
  • 4 łyżki łuskanego słonecznika
  • 1 pynczek sznitlochu
  • 3 łyżki ruzynek
  • oliwa - ze 3 łyżki
  • ocet jabłkowy - ok 1 łyżka
  • 1 łyżka miodu
  • 2 łyżki majonezu

JAK ZROBIĆ?
  1. filety wyciągomy z oleju i delikatnie osuszomy ryncznikiym papiórowym, krejymy na kostka ok 1cm i wciepujymy do miski
  2. ruzynki trza sparzić tzn wciepujymy je do osobnyj asyjetki, zalywomy wrzątkiym i zostawiomy na ok 10minut a w tym czasie rychtujymy seler naciowy tzn cało łodyga i listki drobno siekomy i dociepujymy do miski
  3. sznitloch tyż drobno siekomy, cebula krejymy w ciynkie talarki i dociepujymy do miski
  4. płonka obiyromy, wykrowomy gniazdo nasiynne, ściyromy na tarce na rubych łoczkach i jak momy to kropiymy sokiym z cytryny żeby niy szczorniało i dociepujymy do miski
  5. ruzynki odcedzomy i zostawiomy na papiórze, żeby obeschły
  6. stawiomy suchy tygiel na palnik i jak sie rozgrzeje to wciepujymy na niego łuskany słonecznik i prażymy a uprażony i wychłodniynty słonecznik razym z obeschniyntymi ruzynkami dociepujymy do miski
  7. w małyj asyjetce miyszomy oliwa, ocet jabłkowy, majonez i miód - miyszomy do połączynio składników i wlywomy do sałatki - wszystko dokładnie miyszomy i doprawiomy solom i pieprzym
  8. wrażujymy sałatka do lodówki coby sie smaki przegryzły