Sałatka z nudli ryżowych

SKŁADNIKI:

  • 100g nudli ryżowych
  • pół biksy kukurydzy
  • 1 papryka czyrwono
  • 4 łogórki konserwowe
  • 1 opakowanie ciynkich kabanosów
  • 3 łyżki jogurtu naturalnego
  • 2 ząbki czosku
  • majonez
  • sól i pieprz


JAK ZROBIĆ?
  1. zaczynomy od uwarzynio nudli w osolonyj wodzie - warzymy do miynkości, odcedzomy i wciepujymy do miseczki
  2. kukurydza odcedzomy i dociepujymy do wychłodniyntych nudli
  3. czyrwono papryka krejymy w drobno kosteczka
  4. ogórki konserwowe tyż krejymy w drobno kosteczka
  5. kabanosy krejymy w półplastry abo jak mocie blank ciynkie kabanoski to na takie konski ok 1cm
  6. wszystkie produktu wciepujymy do miski i miyszomy
  7. w osobnyj syjetce rychtujymy: jogurt naturalny, ze 2 łyżki majonezu, przeciskomy przez preska czosnek, solymy i pieprzymy - dokładnie miyszomy
  8. gotowym sosym zalywomy sałatka w misce i dokładnie miyszomy i ewyntualnie doprawiomy do smaku
  9. wrażujymy do lodówki na pora godzin coby składniki sie przegryzły