Schab pieczony z boczkiym i cebulom

SKŁADNIKI:

  • 1kg schabu (może być przeszło kilo)
  • wielko cebula
  • boczek wyndzony
  • sól, pieprz, majeranek, papryka czyrwono
  • olyj
  • naczynie żaroodporne


JAK ZROBIĆ?
  1. dziyń pryndzyj nojlepij schab tonknąć do solanki - 1L wody i 2 płaskie łyżki soli - ale zanim go zatonkomy to nacinomy w miynsie takie kapski tzn robiymy naciyńcia nożym ale niy do samego dołu, tak żeby plastry miynsa miały ok 1,5cm
  2. rano wyciągomy schab ze solanki i zostawiomy na cedzitku do okapniyńcio
  3. boczek krejymy na plastry grubości ok 1cm
  4. cebula przekrowomy na pół wzdłuż i tyż krejymy na dość rube półplastry
  5. miynso wrażujymy do naczynia żaroodpornego i do kożdyj kapski wrażujymy plaster boczku i plaster cebuli
  6. posypujymy miynso po wiyrchu pieprzym
  7. w małyj asyjetce rychtujymy marynata tzn. wlywomy ok 50ml oleju, płasko łyżeczka soli, pełno łyżeczka papryki czyrwonyj i kopowiato łyżeczka majeranku - dokładnie wszystko miyszomy i kuchynnym pyndzelkiym rozprowadzomy po miynsie
  8. piekarnik nagrzywomy do 180oC i zanim sie nagrzeje to marynata fajnie sie rozpłynie po wiyrchu a miynso nawonio
  9. przikrywomy naczynie foliom abo deklym i wrażujymy do nagrzotego piekarnika na ok 1,5h
  10. po 1,5h ściągomy dekiel i przipiykomy aż miynso nabiere fajnego koloru