Surówka z kapusty pekińskij do grilla

SKŁADNIKI:

  • pół kapusty pekińskij
  • 1 marekwia
  • pół czyrwonyj papryki
  • natka pietruszki
  • 200g jogurtu greckigo
  • majonez
  • sól i pieprz

JAK ZROBIĆ?
  1. do asyjetki wciepujymy jogurt grecki i dodowomy do niego 1 wielko łyżka majonezu, pół łyżeczki pieprzu i ćwierć łyżeczki soli
  2. wszystko dokładnie miyszomy i łostawiomy do przegryziynio
  3. kapusta myjymy, osuszomy, odcinomy i wyciepujymy twarde końcówki z liści i te dobre czyńści szatkujymy na drobno
  4. poszatkowano kapusta wciepujymy do miski i do nij trzymy na drobnych łoczkach marekwia - do całości dodowomy sos majonezowo jogurtowy i wszystko dokładnie miyszomy i tako surówka już je dobro ale idzie sie jom urozmaicić
  5. szatkujymy drobno natka pietruszki i drobno krejymy papryka czyrwono - dociepujymy i miyszomy
  6. surówka wrażujymy na ok pół godziy do lodówki żeby sie smaki dobrze przegryzły