Tomaty na grzankach

SKŁADNIKI:

  • 4 tomaty
  • 4 żymły
  • 2 jajca
  • masło
  • mlyko
  • prażono cebulka
  • oliwa
  • sól i pieprz

JAK ZROBIĆ?
  1. tomaty łobiyromy ze skórki bezto najpiyrw trza je sparzić gorkom wodom - łobiyromy i krejymy we kostka
  2. na tygiel wlywomy trocha oiwy i wciepujymy pokrote tomaty - smażymy tak długo aż tomaty praktycznie blank odparujom woda
  3. jajca wbijomy do gorczka i fest fyrlomy - potym wlywomy na tygiel kaj smażom sie tomaty, dociepujymy ze 2 łyżki prażonyj cebulki i wszystko miyszomy a jak jajco zacznie sie ścinać to ściągomy z łognia
  4. żymła przekrowomy tak, że dolno czyńść je wyższo jak wiyrchnio bo tyn wiyrch bydzie służył za dekiel
  5. z tyj wyższyj czyńści wybiyromy środek (łostawiomy do wysuszynio i mogymy sie to pomloć na bułka tarto)
  6. spodnio czyńść żymły skrapiomy mlykiym i szmarujymy we środku miynkim masłym
  7. jajca z tomatami doprawiomy solom i pieprzym i przekłodomy do żymłów, do środka
  8. wiyrch żymły tyż szmarujymy masłym i przikrywomy wypełnione tomatami spodki
  9. tak przirychtowane żymły wykłodomy na blaszce lekko posmarowanyj masłym i wrażujymy do nagrzotego do 180oC piekarnika na ok 10minut