Uhatek

Bioły syr z mlyka UHT

 

SKŁADNIKI:

 

  • 1l mlyka UHT 3,2%
  • 1 śmietana kwaśno 18% w kubku (ok. 200g)
  • 1 jogurt naturalny (ok. 100g)
  • sól
  • czosnek
  • ewyntualnie ulubione zioła

JAK ZROBIĆ?
  1. miyszomy ze sobą mlyko, śmietana i jogurt, dodowomy przeciśniynty 1 ząbek czosku i dodowomy pół łyżeczki soli - wszystko miyszomy trzepaczkom tak aż masa bydzie jednolito
  2. tak przirychtowano mikstura zostawiomy do zakiśniyńcio w ciepłym miejscu, nojlepszo tymperatura to powyżyj 25oC czyli np wele kaloryfera
  3. po ok 48h powstanie krymowy, gynsty jogurt
  4. mogymy tera ewyntualnie dodać ulubione zioła np. czarnuszka i niy miyszomy ino kładymy garniec na piecu i muszymy go tera poleku podgrzywać aż z naszego  jogurtu bydom sie robić wyraźne grudki i bydzie sie oddzielać serwatka - idzie podgrzoć doś fest ale niy zawarzić!
  5. na drugi garniec kładymy sito abo zip i wyścielomy ściyreczkom abo gynstom gazom (som tyż takie chusty serowarskie) i przeciepujymy grudki syra (idzie to robić takom łyżkom z dziurami żeby serwatka już sama ściykała)
  6. czekomy aż syr okapnie i jak okapnie to trza go delikatnie odciś, bezto zawijomy ta ściyreczka abo gaza w sakiewka i odciskomy w rynkach
  7. zawiyszomy ta sakiewka nad ausgusym abo garcym i zostawiomy w tymperaturze pokojowyj na ok 8h

WSKAZÓWKA:  z takij ilości momy ok 25 deko syra; tyn krymowy gynsty jogurt tyż idzie zjeś ale syra niy bydymy mieć