Wiosynny garniec

SKŁADNIKI:

  • 0,5kg miynsa z udźca ze indyka
  • 1 młodo kapusta
  • 1 cebula
  • suszono gymiza
  • papryka słodko
  • pieprz czorny i ziołowy
  • sól
  • majeranek
  • czosnek suszony
  • 1 łyżeczka koncentratu pomidorowego
  • olyj do smażynio


JAK ZROBIĆ?
  1. miynso krejymy w kosta tako 1,5-2cm i do niego dodowomy słodko papryka, oba pieprze, majeranek, czosnek suszony i sól
  2. wszystko dokładnie miyszomy, mogymy sie te miynso trocha poklackać i odstawiomy do lodówki
  3. krejymy cebula w kostka, na tyglik wlywomy olyj i podsmażomy ta cebulka na złoty kolor
  4. tak przesmażono przeciepujymy do garca w kerym bydymy wszystko dusić
  5. tyglik zostawiomy, dolywomy trocha oleju i partiami podsmażomy miynso i jak sie podsmażi to dociepujymy go do garca
  6. dolywomy wody (ok 1 szolka), dociepujymy 1 łyżka suszonyj gymizy, zawiyromy deklym i duszymy aż miynso bydzie miynkie, idzie sie delikatnie przemiyszać coby sie niy przipoliło
  7. szatkujymy kapusta i dociepujymy do miynkigo miynsa, doprawiomy, przikrywomy deklym i duszymy aż kapusta zmiynknie
  8. pod koniec duszynio dodowomy łyżeczka koncyntratu pommidorowego i czekomy aż wszystko bulknie