Wuszt drobiowy z czoskiym niydźwiedzim

SKŁADNIKI:

 

  • 1kg filetu z kurczaka
  • 5g czosku niedźwiedzigo
  • 4g czosku staropolskigo
  • żelatyna
  • sól peklowo
  • osłonka fi 65

JAK ZROBIĆ?
  1. peklujymy filet z kurczaka tzn. miyszomy 1L wody ze 70g soli peklowyj, filet wrażujymy do pojymnika i zalywomy solankom, wrażujymy do lodówki na 24h a po tym czasie wyciągomy filet z lodówki i krejymy go na różne konski wiynksze i myńsze
  2. pokrote miynso wciepujymy do miski i dodowomy czosnek niydźwiedzi i czosnek staropolski
  3. do miynsa wciepujymy 2 łyżki żelatyny i wyrabiomy miynso rynkom aż bydzie sie kleiło
  4. odcinomy 2 konski osłonki po ok 30cm, do gorczka wlywomy trocha ciepłyj wody i tonkomy tam osłonki żeby zmiynkły- z 10min styknie
  5. po tym czasie wyciągomy osłonki i zawiązujymy sznurkiym jedyn koniec osłonki
  6. napełniomy osłonki miynsym i formujymy tzn. ukłodomy te miynso we środku tak, żeby niy było luftu - zawiązujymy dokładnie drugi koniec
  7. rozgrzywomy w garcu woda do 75oC i jak woda bydzie miała tako tymperatura to wrażujymy tam nasze 2 wuszty
  8. tymperatura na pewno spadnie wiync doprowadzomy jom zaś do tymperatury 75oC i jak tako bydzie miała woda to włączomy minutnik na 90minut - trza wahować tymperatury!
  9. po parzyniu wuszty trza zahartować tzn wrażujymy je do zimnyj wody na ok 10-15minut, wyciągomy i jak blank przechłodnom to wrażujymy je do lodówki nojlepij na cołko noc