Zapiekanka tostowo

SKŁADNIKI:

  • 1 chlyb tostowy
  • 0,5kg pieczarek
  • 1 wielko cebula
  • ok 300g syra żółtego
  • pół szolki kwaśnyj śmietonki 18%
  • 2 jajca
  • szinka konserwowo
  • sół i pieprz
  • fet do smażynio

JAK ZROBIĆ?
  1. pieczarki myjymy i krejymy w plasterki, cebula siekomy na drobno
  2. na piec kładymy tygiel, wciepujymy trocha fetu i na rozgrzoty tłuszcz wciepujymy cebula kero delikatnie podsmażomy na złoty koor a potym dociepujymy pieczarki - doprawiomy solo i pieprzym i smażymy aż bydom dość miynkie
  3. podsmażony filong kosztujymy i ewentualnie jeszcze dooprawiomy
  4. syr żółty ściyromy na tarce na rubych łoczkach - trocha zostawiomy do posucio po wiyrchu a reszta wciepujymy do gorczka
  5. do gorczka wciepujymy tyż 2 jajca i wlywomy śmietana - miyszomy i doprawiomy solom i pieprzym
  6. szinka konserwowo krejymy na plastry no chyba, że kupilimy już w plastrach
  7. tera wszystko ukłodomy we naczyniu żaroodpornym tzn. na samym dnie ukłodomy sznity chleba tostowego i szmarujymy je 1/4 sosu syrowo-śmietanowego, na sos ukłodomy plastry szinki, potym połowa pieczarek i zaś szmarujymy 1/4 sosu, na to ukłodomy sznity, zaś sos, potym szinka, drugo połowa pieczarek i szmarujymy sosym i dowomy ostatnio warstwa chleba tostowego, pryskomy olejym abo szmarujymy masłym i posypujymy zostawionym syrym
  8. rozgrzywomy piekarnik do 180oC i piekymy ok 25minut