Zapiekanka z blomkula, brokuła i syra

SKŁADNIKI:

 

  • 1 średni blomkul (kalafior)
  • 1 brokuł
  • 1 cebula
  • 2 ząbki czosku
  • 200g syra mozzarella
  • 100g syra feta (opcjonalnie)
  • 200ml śmietonki 30%
  • 2 jajca
  • 1 łyżeczka zymftu (musztardy)
  • 0,5 łyżeczki gałki muszkatołowyj
  • 1 łyżeczka oregano
  • sól i pieprz do smaku
  • 2 łyżki oliwy z oliwek abo oleju

JAK ZROBIĆ?
  1. bomkul i brokuł dzielymy na różyczki i warzymy w osolonyj wodzie ale niy za dugo, żeby nom sie niy rozwarziły i odcedzomy
  2. cebula siekomy w kosteczka i trza jom zeszklić na oliwie z oliwek abo oleju na patelni, na koniec dociepujymy posiekany czosnek i już za dugo niy trzimiymy, żemy nom sie tyn czosnek niy spolił
  3. jak cebula z czoskiym momy zeszklone to dodowomy na tygiel nasza uwarzono gymiza i trzimiymy na łogniu ze 2 minutki coby nabrały smaku
  4. we asyjetce miyszomy śmietonka, jajca, zymft, gałka muszkatołowo, oregano, sól i pieprz - dokładnie miyszomy i próbujymy bo powiniyn być dobrze doprawiony
  5. do naczynia żaroodpornego wkłodomy nasza przesmażono gymiza, poywomy przirychtowanym sosym i na wiyrch wysypujymy potarty syr mozzarella i pokruszony syr feta (jak chcymy go dać)
  6. tak przirychtowano zapiekanka wrażujymy do nagrzotego do 180oC piekarnika na ok 25-30minut aż syr z wiyrchu sie zarumiyni