Zapiekanka z kapustom kiszonom

SKŁADNIKI:

  • 40dkg kapusty kiszonyj
  • 40dkg miynsa różnego
  • 3 cebule
  • 200g śmietonki 18%
  • ok 150g syra żółtego
  • prziprawy: sól, pieprz, liść laurowy, ziele angielskie, papryka słodko i łostro, suszony czosnek, oregano

JAK ZROBIĆ?
  1. miynso różnego rodzaju (wołowe, wieprzowe, drobiowe) mielymy
  2. kapusta kiszono lekko płuczymy i siekomy na myńsze konski
  3. pokroto kapusta wciepujymy do garca, nalywoy wody tela coby kapusta była przikryto, dodowomy listek, pora kulek ziela i warzymy ok 15-20minut
  4. jak nom sie kapusta uwarzi to jom trza odcedzić i zostawić na sitku aż okapnie
  5. na tylglu rozgrzywomy trocha oleju i siekoy cebule na drobno - na rozgrzoty łolyj wciepujymy cebula i smażymy na złoty kolor
  6. jak sie cebula zezłoc to dociepujymy do ni pomlote miynso i doprawiomy solom, pieprzym, paprykom słodkom i łostrom, suszonym czoskiym i oregano
  7. wszystko dokłądnie miyszomy i smażymy ok 5 minut
  8. syr ściyromy na tarce, dolywomy śmietonka, miyszomy i zostawiomy sie we asyjetce na boku
  9. na dno naczynia żaroodpornego wykłodomy połowa kiszonyj kapusty, cołkie przesmażone miynso, drugo połowa kapusty kiszonyj a na som wiyrch wylywomy sos syrowo-śmietankowy
  10. gotowe danie wrażujymy do nagrzotego do 200oC piekarnika i piekymy ok 30-35minut