Zapiekanka ze syrka wiejskigo

SKŁADNIKI:

  • 300g syrka wiejskigo
  • 3 jajca
  • ćwierć papryki czyrwonyj
  • wyndlina - okrojki szinek abo wuszt
  • ok 50g syra żółtego
  • pynczek sznitlochu (szczypiorku)
  • sól, pieprz, czosnek suszony, chili, zioła prowansalskie i inne ulubione prziprawy
  • olyj do wysmarowanio formy

JAK ZROBIĆ?
  1. rozgrzywomy piekarnik do 180oC góra-dół i rychtujymy zapiekanka
  2. papryka myjymy, wydronżomy odcinomy świercina i krejymy jom na kosteczka
  3. wyndlina krejymy w ciynkie paseczki
  4. sznitloch myjymy i drobno siekomy a syr ściyromy na tarce na rubych łoczkach
  5. do miski wciepujymy syrek wiejski, jajca i reszta pokrotych składników, dociepujymy tyż syr żółty ale trocha se go ostawiomy na boku tea żyby nom stykło do posucio zapiekanki
  6. wszystkie skłądniki miyszomy widełkom, doprawiomy do smaku uubionymi prziprawami
  7. forma abo naczynie żaroodporne smarujymy olejym i przeklodomy do niego nasza wyfyrlano masa
  8. równomy i posypujymy łostawionym żółtym syrym
  9. wrażujymy do piekarnika na ok 25minut ale wachujymy żeby sie niy spoliło ale żeby środek zapiekanki był ściynty
WSKAZÓWKA: jak mocie takie urządzynie jak air fryer to nasza zapiekanka piekymy w tymperaturze 180oC ok 12-15minut