Żeberka w kapuście z kociołka

SKŁADNIKI:

 

  • 1,5 kg żeberek
  • 1 główka biołyj kapusty
  • 1kg kapusty kiszonyj
  • 15 małych kartofelków
  • 2 marekwie
  • 1 pietruszka
  • 3 abo 4 cebule
  • skóry z wyndzonego boczku

JAK ZROBIĆ?
  1. zaczynomy od marynowanio/peklowanio żeberek nojlepij dziyń pryndzyj, marynujymy abo prziprawom do żeberek abo wrażujymy do solanki
  2. ściągomy liście kapusty i wykłodomy nimi kociołek od środka i zostawiomy se jeszcze liście, żeby przikryć od wiyrchu nasza potrawa, zaś reszta kapusty szatkujymy i miyszomy z kapustom kiszonom
  3. kartofle myjymy ale skóra zostawiomy, cebula krejymy na ćwiartki, marekwia i pietruszka łobiyromy i krejymy na plasterki
  4. wykłodomy nasz kociołek liściami z kapusty i na som dół dowomy skóry z wyndzonego boczku, ewyntualnie plastry wyndzonego boczku
  5. tera dowomy połowa kartofli, połowa marekwi, połowa pietruszki, połowa cebuli, połowa zmiyszanyj kapusty i na to żeberka
  6. potym drugie połowy składników tzn. kartofle, marekwia, pietruszka, cebula  i drugo połowa zmiyszanyj kapusty
  7. całość zalywomy bulionym ale niy za dużo a kożdo warstwa kartofli posypujymy solom i pieprzym
  8. na wiyrch wykłodomy liście z kapusty i zawiyromy kociołek
  9. rozpolmy łogiyń we palynisku, stawiomy kociołek i piekymy ok 2h