Zupa brukselkowo

SKŁADNIKI:

  • 300g brukselki nojlepij świyżyj
  • 1 mało cebula
  • 1 marekwia
  • 3 kartofle
  • sznitloch (szczypiorek)
  • masło
  • śmietana 18%
  • ok. 1L bulionu abo rosołu ze niedzieli
  • sól i pieprz

JAK ZROBIĆ?
  1. cebula siekomy na drobno i przesmażomy na tygliku na maśle
  2. jak cebulka zacznie nom sie szklić to wciepujymy pokroto w kosteczka marekwia i razym smażymy jeszcze jakieś +/- 3minuty
  3. do garca wlywomy bulion abo rosół i podrzywomy i jak nom sie zagrzeje to wciepujymy podsmażono gymiza (cebula z marekwiom)
  4. wszystko zawarzujymy, zmniyjszomy łogiyń, przikrywomy deklym i warzymy ok 5minut
  5. w miyndzy czasie łobiyromy kartofle i krejymy we kostka - może być trocha wiynkszo niż marekwia, żeby nom sie te kartofle niy rozwarzyły
  6. pokrote kartofle wciepujymy do garca razym z umytom brukselkom
  7. od zawarzynio, trzimiymy na łogniu ok 10minut - tela, żeby gymiza bya miynko
  8. sznitloch siekomy i dodowomy do zupy
  9. śmietonka miyszomy z troszkom wody w osobnym gorczku, dodowomy ze 5 łyżek gorkij zupy żeby zahartować i miyszomy żeby niy było grudek
  10. ściągomy zupa z łognia i wlywomy do nij śmietonka
  11. miyszomy, próbujymy i doprawiomy solom i pieprzym