Zupa jarzinowo z kulkami z miynsa

SKŁADNIKI:

  • 2 marekwie
  • 1 pietruszka
  • ćwierć selera
  • mały por
  • ok 1,5L rosołu ze niedziele
  • pynczek zielonyj pietruszki
  • pół szolki drobnych nudli
  • oliwa
  • 1 listek laurowy

SKŁADNIKI NA KULKI:
  • 0,5kg miynsa
  • 0,5 cebuli
  • 1 ajco
  • bułka tarto
  • sól, pieprz, papryka czerwono


JAK ZROBIĆ?
  1. marekwia, korzyń pietruszki i seler obiyromy, myjymy i ściyromy na tarce na rubych łoczkach
  2. seler kreymy na ciynkie półtalarki
  3. rozgrzywomy rosół a na głymboki tygiel wlywomy trocha oliwy i jak sie nom ta oliwa rozgrzee to wciepujymy najpiyrw por, chwila smażymy aż sie zeszkli i dociepujymy reszta gymizy potartyj na tarce (marekwia, pietruszka, seler) - miyszomy chwila aż sie przesmażi i zalywomy to gorkim rosołym i warzymy ok 15minut
  4. w osobnym gorczku warzymy w osolonyj wodzie nudle a jak sie uwarzom to odcedzomy i zostawiomy na sitku
  5. w miyndzyczasie rychtujymy miynso tzn trza go zemloć, do miynsa drobno siekomy cebulka, dodowomy jajco i ze 3 łyżki bułki tartyj - to wszystkoe dokładnie miyszomy i doprawiomy do smaku solom pieprzym i czerwonom paprykom
  6. wilgłymi rynkami kulomy małe kulki z miynsa (delikatnie je idzie oprószyć mąką), rozgrzywomy na tyglu oliwa i przesmażomy kulki na rumiano
  7. doprawiomy nasza warząco sie zupa i jak uznomy, że je dobro to wciepujymy do nij przesmażone kulki, przikrywomy deklym i warzymy jeszcze jakieś 10minut
  8. siekomy natka pietruszki i dociepujymy do zupy razym z uwarzonymi nudlami