Zupa z fasolki szparagowyj

SKŁADNIKI:

  • 1 udko z kurczaka
  • konsek pora
  • konsek selera
  • mało pietruszka
  • 2 myńsze marekwie
  • sól, pieprz, ziele angielskie, listek laurowy
  • ok 500g żołtyj abo zielonyj fasolki szparagowyj
  • ze 4 kartofle
  • masło klarowane
  • śmietanka 30%
  • koperek zielony

JAK ZROBIĆ?
  1. z udka, pora, selera, pietruszki, marekwie uwarzić rosół, dodać sół, pieprz ziele angielskie i listek laurowy
  2. jak nom sie rosół uwarzi to wyciągomy z niego warzywa i miynso, reszta przecedzić
  3. kartofle pokroć w kosteczka, wciepać do rosołu i warzić ok 10minut
  4. fasolka przirychtować, tzn odkroć końcówki i pokroć na takie 3cm konski i dociepać do zupy razym z łyżką masła klarowanego
  5. warzić całość do miynkości
  6. jak sie zupa warzi, miynso obrać i pokroć, marekwia tyż pokroć a koperek umyć i posiekać
  7. do zupy dodać miynso, koperek i marekwia, zawarzić i zabielić śmietonkom
  8. doprawić do smaku

WSKAZÓWKA: idzie dodać trocha kurkumy i chili coby zmiynić delikatnie smak