Zupa z kapusty pekińskij

SKŁADNIKI:

  • pół kapusty pekińskij
  • 4 kartofle
  • 2 łyżki kaszy jaglanyj
  • cebula
  • marekwia
  • pietruszka
  • konsek selera
  • przeciyr pomidorowy
  • liść laurowy
  • 4 kulki ziela angielskigo
  • sól i pieprz do smaku
  • oregano i chili do smaku
  • masło do podmażynio gymizy

JAK ZROBIĆ?
  1. gymiza myjymy, obiyromy, kartofle, marekwia, pietruszka i seler krejymy na kosteczka a cebula i kapusta siekomy
  2. na tyglu rozgrzywomy masło i na nim smażymy marekwia, pietruszka i seler
  3. przesmażono gymiza przeciepujymy do garca a na tym samym tyglu przesmażomy cebula
  4. cebula i tłuszcz przeciepujymy do garca, do całości dodowomy pokrote w kostka kartofle, wsuwomy kasza jaglano i wszystko zalywomy wodom o 1-1,5L
  5. warzymy tak długo aż gymiza bydzie miynko
  6. w miyndzy czasie doprawiomy solom, pieprzym i oregano
  7. jak już kartofle bydom miynkie to dodowomy kapusta pekińsko posiekano i przeciyr
  8. całość warzymy jakieś 10min (kapusta sie pryndko uwarzi)
  9. doprawiomy chili i resztom przipraw do smaku