Ło nos

Witomy Wos bardzo serdecznie na naszyj stronie - Claudia i Kasia Chwołka!

Wiynkszość ludzi myśli, że my siostry, to muszymy powiedzieć, że niy, ale niy zaprzeczomy tymu, że łonczom nos wiynzy rodzinne. Czyńść z Wos na pewno wiy, że my to cera z mamom.

Claudia na scynie ślonskij wystympuje już od 2001 roku. Nagrała 2 autorskie płyty kere obejrzeć idzie w zakładce płytoteka.

W 2011 połonczyły my swoje siły i na scynie zaczłymy wystympować jako duet. Głos Kasi je od zawsze we wszystkich piosynkach Claudii (nawet tych najstarszych). W 2016 roku do naszego zespołu dołonczył Grzegorz kery piyknie groł na cyji -  tak z duetu zrobiło sie trio! W 2019 roku w maju nasz przyjaciel i akordeonista Grzegorz nagle zmarł. Pozostawił po sobie wielko pustka niy ino na scynie. Serdeczne dziynki Grzesiu za wszystko, spoczywej w pokoju [*]

Od 2019 roku zaś wystympujymy jako duet rodzinny matka z cerom i narazie tak zostanie. Zaproszomy na nasze koncerty.

Muszymy sie trocha pochwolić osiongniyńciami. Nasze wszystkie statuetki możecie łobejrzeć tukej.

 

MEDIA:

- idzie nos łobejrzeć we TVS, TVT, TVP 3, TV Sfera, TV Trwam

- posłuchać nos idzie we różnych radiokach internetowych ale tyż: Radio VANESSA, Radio Piekary, Radio Plus Opole, Radio Fest, Radio Silesia

- prowadzymy swoja autorsko audycja we Radiu Silesia pt. "Warzynie w starym radioku" a słuchać nos możecie w kożdo niedziela o 11:00

- były my gospodyniami muzycznego programu "Szlagieromania" w telewizji TVT w latach  24.09.2017-01.04.2023

- Claudia w latach 2018-2020 była współprowadzącom program "Życzeń Moc" czyli koncertu życzyń w telewizji TVT. Program prowadziła razym z Łukaszym Michalikiym z zespołu Muzykanty

- Claudia od 16.04.2023 prowadzi muzyczny program w Telewizji TVT "Muzyczne Perełki Top 15"

 

TELEDYSKI:

We 2011 roku nagrałymy dwa teledyski:

- Wołom Cie Mamo

- Kapliczka

 

We 2012 roku nagrałymy jedyn:

- Goronce lato

 

We roku 2013 teledysków było trocha wiyncyj:

- Spacyr z Tobom

- Bo to nasz Ślonsk

- Być tam

- Jodler

- Łostołeś tam

- Splecione nasze rynce

 

2014 rok to kolejne teledyski:

- Fojermany

- Życza Ci

 

2015 rok i zaś nowe produkcje:

- Zajodłujymy Wom

- Z nami biesiada

- Pogoda życio

- Pokochałach

- Kaj Ciebie szukać mom

- Sypie śniyg

 

We 2016 roku tyż my trocha pokrynciły

- Dla Ciebie Ojcze Święty

- Bo do szczyńścio

- Ty ino Ty

 


Rok 2017 tyż owocowoł w teledyski:

- Echo jodłuje nom

- Sto lot dlo Ciebie

- Wracej - razym z Anią Drabek

 



Rok 2018 to teledyski:

- Dlo Dziadków

- Wszyndzie Ty

- Znak szczyńścio

- Nad brzegiem morza

- Melodia serc

- Naszo rocznica

 

 

Teledyski w 2019 roku:

- Poszukej szczyńścio

- Lato, słońce, my

- Familoki

 


Teledyski w 2020 roku:

- To do Ciebie

- Spełniej marzynia

- Moja Chihuahua

 

Teledyski w 2021 roku:

- Bo moje serce

 

Teledyski w 2022 roku:

- Kawa

 

Teledyski w 2023 roku:

- Dziynkuja Ci Mamo

 


Na swoim koncie momy tyż teledyski o tematyce świontecznyj:

- Powiydz Mamo

- Gloria

- Bóg się rodzi

- Gdy Śliczna Panna

- Serce Wigilijnej Nocy

- To już czas

- Pado śniyg

 

PŁYTY:

Jak my już spomniały rok 2011 był do nos fest robotny, bo miyndzy tymi wszystkimi koncertami, wyjazdami cołki czos nagrywały my śpiywki coby my sie tyż mogły pochwolić naszom płytkom. To marzynie udało nom się zrealizować i tako płytka ukozała sie we siyrpniu. Na nij znodło sie 14 utworów w tym jedna spiywka po polsku, napisano specjalnie na rocznica śmierci naszego Papiyża Jana Pawła II. Płytka opowiado głównie o naszym piyknym Ślonsku.... (Przijedź na Ślonsk) o tyj ziymi, jeji bogactwach, ale tyż o ludziach, miłości człowieka do człowieka, do rodzinnego domu o tynskonocie, powrotach (Wspomnij swój dom, Niy wyjyżdżej) Nie brakuje tyż na nij tego co Ślonzoki lubiom nojbardzij... czyli chyńci do zabawy, wesołości... (Bydymy razym śpiywać, Ino do przodku, Anioł i dioboł, Bydzie haja, Czas na zabawa) Jest tam tyż pora utworów okazjonalnych i tak do mamy – Wołom cie Mamo, do taty – Tato, Tato, z okazji ślubu – Weselny czar i ogólnie do wszyskich co majom rocznice, gyburstaki – Tela szczyńścio miyj. Teksty do wszyskich śpiywek napisały my same i tyż do połowy utworów stworzyły my muzyka, reszta zawdziynczomy Andrzejowi Skaźnikowi.

Jesiyniom 2012 roku zaczłymy robota nad naszom wymarzonom płytkom z pastorałkami i kolyndami. Udało nom sie zrealizować te marzynie i tak już na poczontku grudnia cieszyłymy sie tym kronżkiym. Udało nom sie tyż zrealizować pora fajnych koncertów kolyndowych na kerych to ludzie mogli razym z nami pośpiywać piykne, tradycyjne, polskie kolyndy. Momy nadzieja, że ta płyta bydzie żyć wiecznie i umili Wom niyjedne Świynta Bożego Narodzynio.

Na poczontku kwiytnia 2013 roku skończyłymy przigotowania drugijj płyty "Co nom w sercach gro".  Płyta ta utrzimano je w trocha innym klimacie muzycznym, nowe brzmiynia i nowe pomysły na scyniczny wyglond. Teksty jak i muzyka do wszystkich piosynek napisałymy same, zaś aranże śpiywek zawdziynczomy Kazikowi Sas, kery tyż czuwoł nad nagraniami. Życzymy miłego słuchanio.

We roku 2015 udało nom sie nagrać całkiym nowo płytka. Jeszcze bardzij szlagierowo i z brzmiyniym gitarowym za kere dziynkujymy Mateuszowi Szymczyk. Łon tyż spyndził z nami czas w studiu na nagraniach. Mati dziynki! Płytka została wydano w Firmie Projektomania. Pomysłów nom niy brakuje.

We 2016 roku chocioż niy było żodnyj nowyj plyty to udało sie dziynki pomocy Marcina Skalskigo (Agencja Interaktywna Projektomania) wydać na nowo i z bonusym nasza płyta z kolyndami i pastorałkami.

Na świynta Wielkanocne 2017 roku udało nom sie wydać kolejno płyta. Tytuł tyj płyty to "Melodia serc". Kronżek zaś je inny ale po ślonsku. Na tyj płycie usłyszycie duuuuużo cyji a czamu? No bo razym z nami już teraz na kożdym koncercie wystympować bydzie Grzegorz Gąsiorek. Co znojdziecie w najnowszym albumie? Na pewno śpiywki kerych nom brakowało czyli takie na prziwitanie i pożegnanie. Usłyszycie tyż piosynka dedykowano dziadkom, coś o urodzinach, rocznicy ślubu, pora śpiywek o miłości, niy brakuje tyż jodłowanio. Piosynka "Nad brzegiem morza" to staro śpiywka kero niyjedni z Wos na pewno pamiyntajom. Momy do Wos tyż niyspodzianka! Pamiyntocie Frelka Ślonsko Ania Drabek? Zaśpiywała razym z nami piosynka "Wracej"

Prziszoł rok 2019, dużo nowości i dużo zmian, niystety tych smutnych tyż. Ni ma już z nami naszego akordeonisty Grzesia. Na Dziyń Dziecka udało nom sie wydać kolejno naszo płyta. To już 5-ty autorski krążek, na kerym znojdziecie piosynki z trocha innym zaś brzmiyniym. Som piosynki o miłości, je nowo śpiywka dlo mamy i pojawiła sie tyż piosynka o naszym małym piesku Andre. Na koncertach pytocie nos o wiązanki biesiadne, toż momy do Wos dobro wiadomość - jest na tyj płycie wiązanka polek, to pośpiywejcie z nami.

Pandymia trocha pokrziżowała nom plany płytowe ale udało sie! W roku 2023 światło dziynne obejrzoł krążek "The Best Of" - je to zbiór 21 nojlepszych naszych szlagrów zebranych w jednym miejscu.

 

 

Oprócz tego cołki czos koncertujymy.... i to niy ino na Ślonku ale tyż i we opolskim i we cołkij Polsce (Tuchola, Siyraków, Gorzów Wlkp), a nawet już poza granicami naszego kraju:

- Niemcy - Solingen

- Niemcy - Hoxter

- Austria - Wiedeń

- Niemcy - Koln nad Renem

- Tatabanya - Węgry

- Bohumin - Czechy - I koncert

- Bohumin - Czechy - II koncert

- Winterthur, Szwajcaria

- Budapeszt - Węgry, Sylwester

- Budapeszt - Węgry, kolyndowanie

- Petrovice u Karviné - Czechy, kolyndowanie

- Olpe-Sondern - Niemcy

Poza wspomnianymi wcześnij autorskimi utworami chyntnie tyż śpiywomy razym z publicznościom i tak w naszym repertuarze som wionzanki śpiywek biesiadnych, takich, kere na pewno wszyscy bardzo dobrze znajom.

 


Pozdrowiomy!