Golonko pieczone

SKŁADNIKI:

  • golonko
  • 1 marchewka
  • 1 pietruszka
  • konsek selera
  • 2 liście laurowe
  • 5 ziorek ziela angielskigo
  • 5 ziorek pieprzu
  • idzie dać cebula

SKŁADNIKI NA MARYNATA:

  • tłuszcz z warzynio abo 2 łyżki oleju
  • 1 łyżka miodu
  • 1 łyżeczka czerwonyj papryki
  • 1 łyżeczka magi

JAK ZROBIĆ?

  1. golonko przed obróbkom moczy we solance (1łyżka soli na 1l wody) przez 24h - golonko musi być całe zalote tom wodom
  2. jak mocie tako możliwość to idzie te golonko nastrzyknąć tom solankom coby sie lepij przepeklowało
  3. w dziyń w kery bydymy golonko piyc wyciongomy z solanki, wkłodomy do garca i zalywomy wodom tak coby golonko było całe przikryte, wciepujymy prziprawy (liść laurowy, ziele, pieprz i ewyntualnie cebula) i woda solymy (ok. 1 łyżeczka soli na 1l wody, idzie sie tyż dać kostka rosołowo
  4. po ok. 1h warzynio wciepujymy do wywaru gymiza, czyli marchewka, pietruszka, seler i warzymy tak długo aż golonko bydzie fajne miynkie, w razie potrzeby dosolić bo wywar mo być wyraźnie słony
  5. jak nom sie golonko uwarzi to go niy wyciongomy takie wrawe ino czekomy żeby wytyngło w tym wywarze (wtedy nom sie niy rozleci przi wycionganiu
  6. tłuszcz zbiyromy z wiyrchu, dodowomy miód, papryka czerwono i jak lubicie to magi - miyszomy
  7. skóra na golonku nacinomy w kostka i kulomy te golonko we marynacie ze wszystkich stron
  8. nagrzywomy piekarnik do 200oC, golonko wsadzomy do żaroodpornego naczynia, przikrywomy i piekymy
  9. żeby golonko niy było suche, trza go podlywać wytopionym sosym ale idzie tyż na początku pieczynio poloć go wywarym w kerym sie warziło
  10. golonko piekymy pod przikryciym ok 1h, potym ściągomy dekiel i piekymy do zarumiyniynio, w tym czasie tyż podlywomy i mogymy obracać coby z kożdyj strony było piykne

WSKAZÓWKA: nojlepij podać z kartoflami i zasmażanom kapustom abo ciapkapustom, ale idzie tyż podać z chlebym abo żymłom, zymftym i chrzanym