Kociołek

SKŁADNIKI:

  • kapusta bioło
  • 1kg karczku/karkówki
  • 1,2-1,5kg kartofli
  • 0,3kg boczku wyndzonego
  • 0,5-0,6kg wusztu
  • 2 wielkie cebule
  • 1 główka czosku
  • szolka wody abo rosołu/wywaru warzywnego
  • sól, pieprz i prziprawa do żeberek abo ulubiono prziprawa do miynsa


JAK ZROBIĆ?

  1. potrzebny nom bydzie żeliwny kociołek ok 5L
  2. kapusta obiyromy z liści, potrzebujymy ich tela, żeby wyłożyć nimi cołkii kociołek i jeszcze przikryć wiyrch. Na som spodek idzie tych liści dać ze 2 warstwy jakby tak przez cufal sie ta piyrszo warstwa przichyciła, (choć nom sie to jeszcze niy zdarzyło)
  3. Czysty i łopucowany kociołek leko szmarujymy łolejym jadalnym i ukłodomy liście kapusty.
  4. Nastympno warstwa to kartofle, nojlepsze do tego som młode i we mundurkach czyli niy strugane ino dobrze wymyte. Jak ni mocie młodych to stare tyż idzie dać ino trza je łostrugać abo i niy ale skórka je doś twardo. Kartofle możecie dać w całości jak som miarowe a jak wiynksze to spokojnie idzie je pokroć we ćwiartki abo połówki.
  5. Tera je tyn czas coby wloć szolka wody abo rosołu i ta warstwa mogymy tera posolić
  6. Na kartofle dowomy karczek pokroty we rube plastry... tak wele 1,5-2cynty, solymy i posypujymy ulubionymi prziprawami.
  7. Na karczek wciepujymy łobrane zombki czosku i przikrywomy drugom warstwom kartofli. Kartofle solymy.
  8. Na warstwa kartofli ukłodomy boczek pokroty we rube plastry a na boczek cebula pokroto we kronżki.
  9. Tera łostatnio warstwa kartofli, solymy po wiyrchu i dowomy wuszt pokroty w 5 cyntymetrowe konski, przikrywomy całość liściami kapusty.
  10. Zawiyromy kociołek i ustawiomy na łotwartym łogniu.
  11. Jak usłyszycie, że we kociołku bulko to od tego czasu liczycie jakie 2 godziny.
  12. Do łognia poleku dokłodejcie tak coby kociołek niy był czyrwony ale coby w nim cołki czos bulkało.


WSKAZÓWKA: Jak ni mocie takigo żeliwnego kociołka to w doma możecie se zrobić zapiekanka a'la kociołek a przepis znojdziecie TUKEJ