Miynsny przekłodaniec

SKŁADNIKI:

  • 1 podwójny filet z kurczaka
  • 600g łopatki wieprzowyj
  • 0,5kg pieczarek
  • 150g żółtego syra
  • 2 cebule
  • 4 ząbki czosku
  • natka pietruszki
  • 1 jajco
  • 1 mało sucho żymła abo pół wielkij
  • pół szolki kwaśnyj śmietany
  • 3 łyżki majonezu
  • prziprawa do kurczaka abo słodko papryka
  • sól i pieprz
  • olyj

JAK ZROBIĆ?
  1. rychtowanie zaczynomy od zamoczynio żymły we wodzie abo we mlyku (tak jak do karminadli)
  2. łopatka trza pomloć
  3. naczynie żaroodporne smalujymy olejym
  4. filet z kurczaka krejymy na paseczki, sujymy prziprawom do kurczaka, delikatnie miyszomy i ukłodomy na dno naczynia
  5. obie cebule obiyromy, szatkujymy i przismażomy na rozgrzotym tłuszczu, jak sie usmażom to połowa odbiyromy do osobnego naczynio a połowa łostawiomy w tygliku
  6. pieczarki krejymy w plastry i dociepujymy na tyglik do cebule - doprawiomy solom i pieprzym i chwila smażymy
  7. pieczarki odstawiomy do przechłodniyńcio i do chłodnego dociepujymy posiekano pietruszka, miyszomy i wykłodomy na kurczaka
  8. syr trzymy na wielkich łoczkach i wykłodomy na pieczarki
  9. do mlotego miynsa dociepujymy cebula, odciśniynto żymła, 2 ząbki czosku przeciśniynte przez preska, doprawiomy solom i pieprzym i wykłodomy na syr - równomy łyżkom
  10. śmietana miyszomy z majonezym, przeciskomy 2 ząbki czosku, doprawiomy solom i pieprzym i wylywomy na som wiyrch
  11. Rozgrzywomy piekanik do 180oC i piekymy ok 60-70min
WSKAZÓWKA: bezpiecznie bydzie piyc nasze danie pod przikryciym a na 20min przed końcym dźwignąć dekiel coby sie trocha z wiyrchu przibronociło. podowomy pokrote na kwadraty