Zapiekanka z nudlami, brokułym i kurczkaiym

SKŁADNIKI:

  • szolka suchych niyuwarzonych nudli
  • połówka fileta z kurczaka (abo dwie jak som małe)
  • 5-6 wielkich kwiotków brokuła abo 250g mrożonego
  • pół szolki śmietonki 30%
  • syr żółty
  • ulubiono prziprawa do kurczaka, sól i pieprz
  • czosnek
  • naczynie żaroodporne

JAK ZROBIĆ?
  1. nudle warzymy w osolonyj wodzie na pół miynko
  2. brokuł tyż warzymy w osolonyj wodzie na pół miynko
  3. filet z kurczaka krejymy na kosteczka, posypujymy ulubionom prziprawom do kurczaka, solom i pieprzym i zostawiomy go chwila żeby przeszoł smakiym
  4. na tygliku rozgrzywomy trocha tłuszczu i smażymy kurczaka
  5. na dno naczynia ukłodomy uwarzone nudle, na nudle przismażonego kurczaka i na wiyrch piyknie ukłodomy kwiotki uwarzonego brokuła
  6. załączomy piekarnik na 180 i rychtujymy sos
  7. syr żółty ściyromy na drobnych łoczkach, wlywomy śmietonka i wciskomy ze 2 ząbki czosku - miyszomy i doprawiomy solom i pieprzym
  8. sos wylywomy na wiyrch zapiekanki i wrażujymy do nagrzotego piekarnika na ok 15minut tak co tyn syr sie rozpuści i trocha zarumiyni
WSKAZÓWKA: jak chcecie coby zapiekanka była bardzij "fit" to zamiast śmietonki używomy jogurtu naturalnego a zamiast syra wbijomy surowe jajco - wszystko razym fyrlomy i wylywomy na zapiekanka