Miód z mlycza

SKŁADNIKI:

  • 500 kwiotków z mlycza (mniszek lekarski) - same kwiotki bez łodyg
  • 1L wody
  • 1kg cukru
  • 2-3 cytryny


JAK ZROBIĆ?

  1. zebrane kwiotki mlycza rozkłodomy na biołe prześciyradło, coby wszystkie chroboki z nim powyłaziły
  2. kwiotki zalywomy wodom i warzymy ok 40min na wolnym ogniu
  3. po uwarzyniu zostawiomy wywar na 24h
  4. odcedzomy kwiotki przez garza, tak fest jak ino idzie
  5. wciepujymy cukier i wyciskomy 2-3 cytryny
  6. warzymy 2-3h tak długo aż miód trocha zgynstnieje (ale niy bydzie taki gynsty jak miód pszczeli)
  7. gorki miód przelywomy do krałzków a krałzy stawiomy na deklu (do góry nogami). Idzie te krałzy owinąć ryncznikiym wtedy miód poleku dochodzi i mo dłuższy termin przidatności

 

WSKAZÓWKA: Główki zbiyrać przed połedniym, wtedy som nojbardzij otwarte i majom nojwiyncyj smaku i aromatu. Prześciyradło na pewno sie uflekuje z mlycza wiync trza wziąć takie starsze. Woń z wywaru ni ma fajno.
Miód z mlycza mo właściwości przeciwzapalne, na kaszel, ból gardła, obniżo cholesterol i zwiynkszo odporność