Zapiekanka a'la kociołek

SKŁADNIKI:

  • 0,5 kg karczku
  • 20 dkg boczku wyndzonego
  • 1 marekwia
  • 8-10 kartofli
  • 5 zombków czosku
  • 2 cebule
  • 8 liści kapusty biołyj
  • łyżeczka masła
  • OPCJONALNIE: łyżeczka miodu i pół szolki piwa

JAK ZROBIĆ?
  1. Kartofle i marekwia uwarzić w osolonyj wodzie, pod koniec warzynio wciepać liście kapusty na ok 15 min
  2. Karczek pokroć na plastry grubości 1 cm, posolić i łobsuć ulubionymi prziprawami i paprykom, łostawić co sie trocha przegryzie
  3. Cebula pokroć we piórka a czosnek w plasterki
  4. Boczek krejymy we słupki
  5. Karczek trza obsmażyć na gorkim tłuszczu z obydwuch stron, symnońć na talyrz i na tym samym tłuszczu przesmażyć cebula razym ze czoskiym
  6. Żaroodporno brutfanka wykłodomy liściami kapusty na kiere kładymy łyżeczka masła
  7. Na som spodek dowomy przismażony karczek, drugo warstwat to je boczek, trzecio cebula ze czoskiym. Na som wiyrch ukłodomy pokroto we kostka marekwia i przikrywomy to pokrotymi w plastry kartoflami
  8. Całość przikrywomy liściami kapusty
  9. Tłuszczym ze tygla na kierym smażył sie karczek i cebula polywomy nasza zapiekanka po wiyrchu
  10. Jak chcecie mieć wiyncyj zołzy to wymiyszejcie pół szolki piwa ze łyżeczkom miodu i to wlyjcie do zapiekanki
  11. Nasza brutfanka przikrywomy foliom aluminiowom
  12. Wciepujymy do nagrzotego do 180oC piekarnika na ok 45min Po tym czasie ściongomy folia i zapiekomy jeszcze ok 15min aż kapusta z wiyrchu leko sie przibrunoci