Sok z aronii

SKŁADNIKI:

  • 1kg owoców z aronii
  • 0,5kg cukru
  • 1 cytryna
  • 0,5L wody
  • ewentualnie liście z aronii abo z wiśni

JAK ZROBIĆ?
  1. aronie urywomy z ogonkami, myjymy pod bieżącą wodą i dopiyro tera odrywomy ogonki
  2. aronie nojlepij przemrozić, conajmnij 12h bo takie owoce pozbywajom sie goryczki i lepij puszczajom sok
  3. przemrożone owoce wrażujymy do garca, (modymy dodać liście) i zalywomy zimnom wodom
  4. przikrywomy garniec deklym i zawarzujymy
  5. jak zacznie bulkać to zmniyjszomy moc palnika i warzymy ok 10minut
  6. po warzyniu ściągomy garniec z pieca i zostawiomy do ochłodniyńcio a żeby sok poleku chłodnoł to niy ściągomy dekla
  7. tak przirychtowany sok może stoć nawet 12h, owoce bydom mieć czas coby puścić zoft
  8. jak nom tyn wywar wychłodnie to przecedzomy całość do drugigo garca, owoce idzie przeciś przez sito żeby cołki sok wyciągnąć z nich
  9. do odcedzonego soku wciepujymy cukier i wyciskomy sok z cytryny
  10. garniec stawiomy na palnik i doprowadzomy do wrzynio ale cołki czos miyszomy coby sie cukier rozpuścił i niy przipolił
  11. jak sie cukier rozpuści to taki gorki sok przelywomy do krałzek, zakryncomy i wtedy już niy trza pasteryzować bo krałzy chycom same