Moczka

SKŁADNIKI:

  • piernik ok 30dkg
  • 1-2 piwa ciymne karmi
  • krałza kompotu z wieprzków (1L)
  • czekolada gorzko
  • bakalie: ok. 15dkg: śliwki suszone, morele suszone, figi, daktyle, ruzynki, mandle, orzechy włoskie

JAK ZROBIĆ?

  1. piernik moczymy w piwie (jak wypije to dolywomy)
  2. jak sie to namoczy to stawiomy garniec na piecu, piernik gnietymy rynkom (idzie zblyndować)
  3. wlywomy kompot z wieprzków
  4. bakalie krejymy na myńsze konski (ruzynki wciepujymy w całości jak som małe)
  5. mandle trza sparzić wrzątkiym i połobiyrać ze skóry i tyż pokroć
  6. pokrote bakalie wciepujymy do garca i całość warzymy tak długo aż bakalie fajnie napuchnom - dować pozór i miyszac bo moczka lubi sie przipolić a bakalie rozwarzić
  7. na som koniec wciepujymy czekulada i czekomy aż sie rozpuści
  8. idzie sie to dosłodzić ale bakalie suszone som słodkie i niy trza bardzij cukrować
  9. jak moczka bydzie za rzodko to dociepać bakalii a jak za gynste to doloć kompotu ze wieprzków abo ze śliwek ale bez śliwek - niy dować wody!