SKŁADNIKI:

• 1/3 szpyrki (słoniny) surowyj, mlotyj abo krotyj
• 1/3 szpyrki wyndzonyj (nojlepij swojskij)
• 1/3 boczku wyndzonego abo podgardla wyndzonego
• 3-4 łyżki mlyka
• 1-2 kostki smalcu
• 4-5 ząbków czosku

JAK ZROBIĆ?

1. Szpyrka i wyndzonki pokroć w drobno kosteczka
2. wciepać do garca i wloć ze 3-4 łyżki mlyka
3. skwarzić tak długo jak chcecie, jak lubicie ale szpyrki dobre som takie kyrkniynte (skurczone)
4. skwarzić nojlepij na małym ogniu i dłużyj
5. smalec idzie wciepać do skwarzynio abo potym na koniec
6. jak szpyrki już bydom doś zeskwarzone, wciepujecie czosnek przeciśniynty przez praska
7. chwila skwarzić i dować pozor bo czosnek lubi sie przipolić
8. jak robicie tego trocha i wartko to zjycie to idzie dać pokroto cebula (szpyrka ze cebulom je dobro ale szybko kwaśnieje to trza jom gibko zjeś)

Kiedyś przi świniobiciu jak sie robiło szpyrka do sie w nij topiło wuszty we boncloku. Taki wuszt ze szpyrki to je delicja!