Młodo bioło kapusta ze zesmożkom

SKŁADNIKI:

  • 1 młodo bioło kapusta
  • pynczek koperku
  • pół cebuli
  • 15dkg boczku wyndzonego
  • łyżeczka masła
  • lyżka mąki
  • sól, pieprz
  • ocet
  • cukier (opcjonalnie bo młodo kapusta je już słodkawo)

JAK ZROBIĆ?
  1. pościągać z młodyj kapusty wiyrchnie listki bo mogom być gorzkie
  2. kapusta poszatkować i uwarzić w wodzie bez soli
  3. pod koniec warzynio rychtujymy zesmożka:
  4. boczek drobno pokroć na kosteczka i zeskwarzić w tygliku, dodać posiekano cebula i lekko jom zeszklić
  5. na koniec smażynio boczku dodać masło - roztopić i dodać mąka i lekko podsmażyć
  6. kapusta odcedzić ale zostawić trocha wody żeby sie zesmożka miała z czym wymiyszać
  7. do odcedzonyj kapusty wloć zesmożka, wymiyszać i chwila bulknąć żeby kapusta zgynstniała
  8. do gotowyj kapusty wciepujymy posiekany koperek i dopiyro tera doprawiomy solom, pieprzym i octym
  9. jak trzeba to dodać cukru