SKŁADNIKI:

• 1 szolka mąki
• 1 szolka cukru
• 1 łyżka proszku do pieczynio
• 4 jabka
• 1 szolka ródzynek (abo suszonyj żurawiny)
• 2 łyżeczki cynamonu
• 3 jajca
• 1 łyżka cukru
• 120g masła

JAK ZROBIĆ?

1. jabka łostrugać i pokroć na ćwiartki a potym na plasterki
2. pokrote jabka zasuć cynamonym i wymiyszać z ródzynkami abo żurawinom
3. do drugigo naczynio (miski) wsuć mąka, cukier, proszek do pieczynio i wymiyszać łyżkom abo rynkom
4. do nastympnyj miski wbić jajca i wymiyszać z łyżkom cukru
5. tortownica obkłodomy papiórym i na dnowysypujymy jabka z cynamonym i ródzynkami (żurawinom)
6. delikatnie jabka równomy ale niy uciskomy i na  te jabka wysuwomy mąka z cukrym i proszkiym
7. roztapiomy masło na tygliku i wylywomy na mąka
8. na som wiyrch wylywomy jajca z cukrym
9. wrażujymy do nagrzotego do 180oC piekarnika na ok 45 minut

WSKAZÓWKA: Polecomy podować z sosym budyniowym:

• 1 budyń wanioliowy abo śmietankowy
• 700-800ml mlyka
• 2 łyżki cukru (jak budyń je bez cukru)

W małyj ilości mlyka rozfyrlać budyń, reszta mlyka uwarzić, jak sie bydzie warzić to wlywać rozrobiony budyń i fest energicznie miyszać, warzić ok 1 minuta i ściągnąć z łognia - idzie sie tyż dodać masło abo śmietonka 30%