Zupa krym z pora

SKŁADNIKI:

  • 3 wielkie pory
  • konsek selera
  • marekwia
  • pietruszka
  • 3 kartofle
  • 5 ząbków czosku
  • bulion abo rosół
  • śmietonka słodko
  • masło do podsmażynio
  • sól, pieprz, cukier, gałka muszkatołowo, ewyntualnie sok z cytryny

JAK ZROBIĆ?
  1. z porów odcinomy końce z korzyniym i zielone liście
  2. pory myjymy, osuszomy i krejymy w krążki, czosnek tyż obiyromy i krejymy w plasterki
  3. do garca w kerym bydymy warzić zupa wciepujymy ze 2-3 łyżki masła, roztapiomy i podsmażomy na nim por tak coby byl szklisty i potym dociepujymy czosnek i jeszcze chwila smażymy
  4. w tym czasie rychtujymy reszta gymizy, konsek selera, 1 marekwia, 1 pietruszka i 3 kartofle strugomy i krejymy w kosteczka
  5. do garca w kerym je usmażony por wlywomy rosów (bulion abo ewyntualnie woda) tak ze 3 szolki, dociepujymy pokroto gymiza, garniec przikrywomy i zawarzujymy
  6. jak zupa zacznie bulkać to zmniyjszomy łogiyń tak coby zupa ino leko migała
  7. warzymy tak długo aż gymiza bydzie miynko
  8. doprawiomy solom, pieprzym, cukrym i gałkom (ewyntualnie sokiym z cytryny)
  9. wyłączomy łogiyń i blyndujymy całość na gładko
  10. dodowomy śmietonka tak ze 3-4 łyżki
WSKAZÓWKA: nojlepij smakuje zeswojskimi grzankami i świyżo posiekanym koperkiym