Śnieżny puch

SKŁADNIKI:

  • 0,5 kg twarogu, może być taki gotowy do syrnika
  • 3 łyżki cukru pudru
  • bioło szekulada
  • paczka herbatników
  • 0,5l śmietonki 30%
  • 0,5l wrzoncyj wody
  • 1 galaretka cytrynowo
  • 1 galaretka pomarańczowo


JAK ZROBIĆ?

  1. Przyrychtować na som poczontek galaretki a to skuli tego, że potym trza bydzie czekać aż ochłodnom, toż we pół litra wrzoncyj wody rozpuszczomy nasze galaretki i zostawiomy do wychłodniyńcio ale ni mogom sie ściońć na twardo, muszom być płynne
  2. Dno formy 24x24 wyłożyć herbatnikami
  3. Syr wymiyszać z cukrym pudrym mikserym na nojniższych obrotach
  4. Schłodzono śmietonka przeloć do doś wysokigo naczynio i mikserym ubijać na nojwyższych obrotach pora minut aż bydzie na tela gynsto, że jak zwyrtniecie gornek do góry dnym to śmietonka niy wyleci.
  5. Do ubityj śmietonki poleku, partiami wlywomy płynno i zimno galaretka i po wymiyszaniu całość przekłodomy do naszego syra i wszysko do kupy jeszcze chwila miksujymy
  6. Wszysko przekłodomy do formy z przirychtowanymi herbatnikami, wyrównać wiyrch i wrazić na 15 minut do lodówki
  7. Po tym czasie posypujymy wiyrch naszego ciasta biołom szekuladom startom na tarce i zaś wrażujymy do lodówki.
  8. Ciasto idzie fajnie kroć po ok 4 godzinach


WSKAZÓWKA: Oczywiście udekorować wiyrch możecie wedug własnego uznanio i smaku. Fajnie tyż je posuć galaretkom ściyntom na twardo i pokrotom w drobno kostka (rozpuścić galaretka w połowie wody podanyj na tytce, wyloć na talyrz i czekać aż stwardnie. Wycingnońć i pokroć nożym na kostka)